बिहीवार साँझ अचानक परेको अत्यधिक वर्षापछि सिलगढ़ी शहरका धेरै क्षेत्रहरू प्रायः जलमग्न बनेका छन्। शहरको महकुमादेखि लिएर साउथ शान्तिनगर, एनजेपी नजिकको क्षेत्र, अण्डर बाइपास तथा जब्राभिट्टा अण्डर बाइपाससहित विभिन्न स्थानहरूमा वर्षाका कारण सड़कमा पानी जमेको छ।
साँझपछिदेखि लगातार परेको वर्षाका कारण शहरका धेरै महत्त्वपूर्ण सड़कहरूमा वाहन आवागमन प्रभावित भएको छ। बिहीवार साँझ कार्यालय बन्द हुने समय परेकाले घर फर्कने क्रममा धेरै मानिसहरू समस्यामा परे। धेरैलाई सड़क किनारका पसल, कार्यालय वा आश्रयस्थलमा उभिएर वर्षा कम्ती हुने प्रतीक्षा गरिरहेको देखिए। लामो समयसम्म परेको वर्षाका कारण धेरै मानिसहरू भिजेरै घर फर्किन बाध्य भए। फेरि कतिपय मानिसहरू सड़कमै अलपत्र परेर केही समय कुर्दै वर्षा रोकिएपछि मात्रै घरतर्फ लागे।
शहरका विभिन्न अण्डरपास तथा होचा क्षेत्रहरूमा पानी जमेकाले पैदलयात्री र वाहन चालकहरू समस्यामा परेका छन्। स्थानीय वासिन्दाहरूको गुनासोअनुसार अत्यधिक वर्षा परेपछि सिलगढ़ीका धेरै होचा क्षेत्रहरूमा पानी जम्नु नयाँ घटना होइन। मनसून आरम्भ भएपछि प्रत्येक वर्ष यस समस्याका कारण सर्वसाधारणले नियमित रूपमा दुःख भोग्नुपर्छ। यद्यपि अधिकांश स्थानहरूमा वर्षा कम्ती भएपछि पानी घटेको छ। तर विशेष गरी न्यू जलपाइगढ़ी स्टेशननजिक जब्राभिट्टा अण्डरपासमा दुई दिनदेखि जलमग्न अवस्था कायम रहेकाले दैनिक यात्री र पर्यटकहरू समस्यामा परेका छन्।
Sonakshi Sarkar