आईएफएफसीओले लोकसभामा त्रिभुवन कोअपरेटिभ युनिभर्सिटी बिल, 2025 को घोषणा साथै मार्च 26, 2025 मा तल्लो सदनद्वारा अनुमोदनलाई स्वागत गर्दछ। बिलको घोषणा गर्दै सम्माननीय को-अपरेटिभ तथा गृहमन्त्री श्री अमित शाहले भने, “स्वतन्त्रताको 75 वर्षपछि आज देशले पहिलो को-अपरेटिभ युनिभर्सिटी प्राप्त गरेको छ।” तिनले थपे, यस बिलले ग्रामीण अर्थतन्त्रलाई सशक्त बनाउनेछ, स्वरोजगार र साना उद्यमहरूको पारिस्थितिकी तन्त्रलाई विकसित गर्नेछ, सामाजिक समावेशीकरणलाई प्रोत्साहन गर्नेछ साथै नवीनता तथा अनुसन्धानको क्षेत्रमा नयाँ मानकहरू स्थापित गर्ने अवसर प्रदान गर्नेछ। एक तरिकाले तिनले भने, यस बिलको माध्यमबाट देशले आधुनिक शिक्षाद्वारा सुसज्जित, सहकार्यको भावनाले प्रेरित नयाँ सहकारी नेतृत्व प्राप्त गर्नेछ।
आईएफएफसीओका म्यानेजिङ डाइरेक्टर डा. उदय शङ्कर अवस्थीले भने, “म त्रिभुवन कोअपरेटिभ युनिभर्सिटी बिल 2025 को प्रशंसा गर्दछु जुन सहकारीको अग्रगामी विकासका लागि ऐतिहासिक कदम हो। यस युनिभर्सिटीको स्थापनाले सहकारी क्षेत्रमा नयाँ क्रान्ति ल्याउनेछ। म यस उत्कृष्ट कदमका लागि सम्माननीय प्रधानमन्त्री श्री नरेन्द्र मोदीजी अनि गृहमन्त्री एवं को-अपरेटिभ मन्त्री श्री अमित शाहजीलाई स्वागत गर्दछु। यो भारतीय कृषि, किसान र ग्रामीण विकासका लागि ठूलो कदम हो। यसले हाम्रा गाउँहरूलाई अझ सशक्त बनाउनेछ।” तिनले थपे, “देशभरि विशेष क्षेत्रमा आधारित स्कूलहरूको स्थापनाले मल सहकारीहरू, विशेष गरी आईएफएफसीओलाई सहयोग गर्नेछ। यस कदमले सहकारीहरूलाई मल व्यवस्थापन र बजार व्यवस्थापन क्षेत्रमा दक्ष नयाँ पुस्ताका पेशेवरहरू प्रदान गर्नेछ।” अहिले कार्यरत सहकारी कर्मचारीहरूका लागि दिइने छोटो अवधिका तालिमहरू गेम चेञ्चर हुन् अनि यो यति व्यापक रूपमा कहिल्यै गरिएको थिएन। यस युनिभर्सिटीले कार्यरत कर्मचारीहरू अनि को-अपरेटरहरूलाई पनि तालिम दिनेछ जसले तिनीहरूलाई अझ दक्ष बनाएर समुदायका लागि ठूलो सम्पत्तिको रूपमा स्थापित गर्नेछ।
आईएफएफसीओका चेयरम्यान श्री दिलीप संघानीले भने: “यस कदमले सहकारी नेतृत्वको बीजलाई आउँदो पुस्तामा सहकारीद्वारा सञ्चालित प्रणालीअन्तर्गत विकास र संरक्षण गर्ने सुनिश्चित गर्नेछ।” तिनले सम्माननीय प्रधानमन्त्री श्री नरेन्द्र मोदीजीप्रति कृतज्ञता ज्ञापन गरे जसको मार्गदर्शनमा पहिलो केन्द्रीय को-अपरेटिभ मन्त्री श्री अमित शाहजीले ‘सहकारदेखि समृद्धि’ को लक्ष्यसहित अविराम परिश्रम गरिरहेका छन्। तिनले भने, यस ऐतिहासिक कदमले भविष्यमा सहकारी क्षेत्रको दीर्घकालीन विकास सुनिश्चित गर्नेछ। सहकारी क्षेत्रको विस्तार र विकासका लागि प्रशिक्षित मानव संसाधन आवश्यक छ र त्रिभुवन को-अपरेटिभ युनिभर्सिटीले यस आवश्यकतालाई पूरा गर्नेछ। यस युनिभर्सिटीबाट डिप्लोमा तथा डिग्री प्राप्त गरेका विद्यार्थीहरूले रोजगार प्राप्त गर्ने अवसर पाउनेछन्। साथै यस युनिभर्सिटीमार्फत राष्ट्रिय तथा अन्तर्राष्ट्रिय मूल्य शृङ्खलामा ठूलो योगदान पुर्या इनेछ। यस युनिभर्सिटीले नयाँ युगको सहकारी संस्कृति पनि आरम्भ गर्नेछ जसले व्यावसायिक व्यवस्तापनको भावनालाई मूर्त रूप दिनेछ। देशभरिका सहकारीहरूसित परामर्श गरी सहकारी मन्त्रालयको मार्गदर्शऩमा यस विश्वविद्यालयका लागि एक मानकीकृत पाठ्यक्रम विकास गरिनेछ।