तीन अपराधी पक्राउ

सिलगढ़ी पुलिसले चोरीको योजना विफल बनाउँदै तीनजना अपराधीहरूलाई पक्राउ गरेको छ। पक्राउ परेकाहरूको नाम प्रदीप दास, विभास दत्त र राहुल दास हो। पुलिस सूत्रअनुसार मङ्गलवार अबेर राति केही अपराधीहरू ठूलो अपराधको योजना बनाउन बाबुपाड़ामा भेला भएका थिए। चोरीको योजनाबारे सूचना पाएपछि सिलगढ़ी पुलिस थानाले त्वरित कार्वाही गर्दा यी तीन अपराधीहरू पक्रा परेका हुन्। पुलिसले तत्कालै अभियान चलायो र घटनास्थलबाट तीन अपराधीहरूलाई पक्राउ गर्न सफल भयो। यद्यपि केही अन्य अपराधीहरू भने भाग्न सफल भए। पक्राउ परेका यी तीनजनालाई बुधवार सिलगढ़ी न्यायालयमा प्रस्तुत गरियो। घटनाबारे पुलिसले थप जाँच जारी राखेको छ।