बुधवार राति भएको सड़क दुर्घटनामा मोटल साइकल चालक गम्भीर रूपले घाइते बनेका जानकारी प्राप्त भएको छ। जलपाइगढ़ी सदर ब्लकको दासदर्गामा उक्त सड़क दुर्घटना भएको हो। सिलगढ़ी-जलपाइगढ़ी राष्ट्रिय राजमार्गमा मोटर साइकलको विपरीत दिशाबाट आइरहेको वाहनसित सोझो टक्कर हुँदा मोटर साइकल चालक गम्भीर रूपले घाइते बनेका हुन्।
प्राप्त जानकारीअनुसार, जलपाइगढ़ीतर्फ गइरहेको बेला मोटर साइकलको वाहनसित टक्कर भएको हो। यो दुर्घटना दासदर्गामा त्यति बेला भयो जब मोटर साइकल सड़क पार गरिरहेको थियो। अर्को दिशाबाट आइरहेको वाहनको टक्करमा मोटर साइकल चालक गम्भीर रूपले घाइते बने। स्थानीय मानिसहरूले घाइतेलाई उद्धार गरी बेलाकोपा ग्रामीण अस्पतालमा पुऱ्याए। प्राथमिक चिकित्सापछि तिनलाई जलपाइगढ़ी सुपर स्पेशियालिटी अस्पतालमा रेफर गरिएको छ। यता घटनाबारे जानकारी पाएर आइपुगेको पुलिसले प्राथमिक छानबिन आरम्भ गरेको छ साथै दुर्घटनाग्रस्त मोटर साइकल र वाहनलाई कब्जामा लिएर पुलिस थाना लगेको छ।