सोमवार राति कुमारग्राम ब्लकको राधानगरमा सड़क दुर्घटनामा परेर एकजना व्यक्तिले ज्यान गुमाएका छन् अनि अर्को एकजना व्यक्ति घाइते बनेका छन्। अन्त्येष्टि कार्यमा सहभागी बनेर फर्किरहेको समय यो सड़क दुर्घटना भएको जानकारी प्राप्त भएको छ। सूत्रअनुसार डम्परले कुल्चिँदा तपन दासको घटनास्थलमै मृत्यु भएको हो। यस दुर्घटना अर्का एकजना व्यक्ति पनि घाइते बनेका छन्। दुर्घटनाको कारण क्षेत्रमा व्यापक तनाउ सिर्जना भएको छ। डम्परले निर्ममतापूर्वक कुल्चिँदा तपन दासको मृत्यु हुँदा मानिसहरू क्षुब्ध बनेका छन्। त्यसकारण स्थितिलाई सामान्य बनाइराख्न क्षेत्रमा बरोदिशा आउटपोष्टद्वारा धेरै सङ्ख्यामा पुलिस बल तैनाथ गरिएको छ। मृत व्यक्तिको शव सोमवार राति प्राप्त भयो अनि मङ्गलवार पोस्टमर्टमका लागि पठाइएको छ। पुलिसले घटनाको छानबिन आरम्भ गरिरहेको छ।