सिलगढी : कोलकाताको आरजी कार अस्पतालमा भएको घटनापछि राज्यका सबै मेडिकल कलेज अस्पतालमा सुरक्षा व्यवस्था निकै कडा बनाइएको छ। सबै मेडिकल कलेज अस्पतालमा सुरक्षा व्यवस्था कडा पारिएको छ। यसका लागि उत्तर बङ्गाल मेडिकल कलेज अस्पतालमा पनि सुरक्षा व्यवस्था कडा बनाइएको छ। सुरक्षाकर्मीको संख्या बढाइएको छ, उच्च सुरक्षा ढोका लगाइनेछ।
डाक्टरहरूको सुरक्षालाई ध्यानमा राख्दै उत्तर बङ्गाल मेडिकल कलेज र अस्पतालमा नयाँ ‘हाई सेक्युरिटी डोर’ जडान हुन लागेको छ। पहिलो चरणमा २८ नयाँ अत्याधुनिक सुरक्षा ढोका जडान भइरहेका छन् । यी ‘हाई सेक्युरिटी डोर’विभिन्न विभागका चिकित्सकका लागि तोकिएको कोठामा जडान गरिने छ।
ढोका बाहिर एउटा ‘फिंगर प्रिन्ट मेसिन’ जसमा सम्बन्धित विभागका चिकित्सकको औंठाछाप पहिले नै रहनेछ। ती डाक्टरको औंठाछाप मेसिनमा दिएपछि मात्र ढोका खुल्छ । वेबेल कम्पनीका अधिकारीहरूले यसअघि नै उत्तर बङ्गाल मेडिकल कलेज र अस्पतालमा गएर यस विषयमा अनुसन्धान गरिसकेका छन्। छिट्टै काम सुरु हुनेछ।