श्री श्री गौडिया मठमा रथ यात्रा को तयारी अन्तिम चरणमा, भक्त जनको भीड लाग्न थालेको छ

आज रथयात्रा । रथयात्राको अवसरमा आइतबार बिहानैदेखि पानीलाई बेवास्ता गर्दै जलपाईगुडी पुरानो पुलिस लाइनस्थित श्री श्री गौडिया मठमा भक्तजनको भीड लागेको छ । बिहानैदेखि पुजा चलिरहेको छ । गौडिया मठका पुजारी रथको अन्तिम तयारीमा जुटेका छन् । दिनभर नाम संकीर्तन र भोगप्रसाद वितरणसँगै आज साँझ सजाइएको रथयात्रा निस्कनेछ ।जलपाईगुडीको सबैभन्दा ठूलो रथयात्रामा ठूलो संख्यामा भक्तहरू सहभागी हुने मठ अधिकारीहरूको दाबी छ। रथयात्राको अवसरमा गुम्बा परिसरलाई भव्य रुपमा सजाइएको छ ।