वन विभागको डबग्राम रेन्जले वन विभागको जग्गा अतिक्रमणमुक्त गराउन बुधबार अभियान थालेको छ । आज बिहान वन विभागको डबग्राम रेन्जले फण्डाबारी क्षेत्रको ०.९६ हेक्टर वन क्षेत्र अतिक्रमणबाट मुक्त गरेको छ ।असिघर क्षेत्रका मन्टुचन्द्र राईले धेरै वर्षदेखि खेतीपातीको नाममा जग्गा कब्जा गर्ने योजना बनाएको बताइएको छ ।
सन् २००९ मा वन विभागमा उजुरी परेको थियो । कोलकाता उच्च अदालतको जलगारा सर्किट बेन्चमा यो मुद्दा चलिरहेको थियो। अप्रिलमा अदालतले वन विभागको पक्षमा फैसला गरेको थियो । बुधबार बिहान बैकण्ठपुर वन विभागका एडीएफ मञ्जुला टिर्की र राजीव लामाको नेतृत्वमा वनकर्मीले उक्त जग्गा अतिक्रमणमुक्त गराए । त्यहाँ वन विभागले विभिन्न किसिमका बिरुवा रोप्ने बताइएको छ ।