बक्सा पहाडमा फोन छैन, स्याटेलाइट फोन र मतदानमा खटिएका कर्मचारीलाई दिइयो ‘वाटरप्रुफ झोला’

मोबाइल नेटवर्क नभएकाले मतदानमा खटिएका कर्मचारीसँग सञ्चार गर्न स्याटेलाइट फोनका साथै ‘वाटरप्रूफ झोला’लगायतका सामग्रीसमेत उपलब्ध गराइएको छ । यी सबै वस्तुहरू निर्वाचन आयोगले अलिपुरद्वार लोकसभासँग जोडिएको बक्सा हिलको तीनवटा बुथमा मतदान गर्न जाने मतदान कर्मचारीहरूलाई दिएको छ।बक्सा पहाडमा बनेको मतदान केन्द्रमा पुग्न पहाडको बाङ्गो बाटो पार गर्नुपर्ने हुन्छ ।

त्यहाँ मतदान गर्ने कर्मचारीहरूसँग मोबाइल फोनमा सम्पर्क गर्न लगभग असम्भव छ। त्यसैले यो समस्या समाधान गर्न आयोगले लोकसभा चुनावमा स्याटेलाइट फोन प्रयोग गर्ने निर्णय गरेको छ, ताकि आयोगले पल पल समाचार प्राप्त गर्न सकोस् ।

पहाड चढ्ने क्रममा वर्षा वा कुनै दुर्घटनाले इभिएम बिग्रन नदिन विशेष ‘वाटरड्रप झोला’ राखिएको छ । यी झोला र स्याटेलाइट फोनहरू निर्वाचन आयोगले ११/२३३, ११/२३४ र ११/२३५ नम्बरका तीन बुथमा उपलब्ध गराउँदै आएको छ । यो झोला मुख्यतया उत्तराखण्डको दुर्गम क्षेत्रमा जानका लागि प्रयोग हुने गरेको बताइएको छ ।