पश्चिम बंगालको कुचबिहार जिल्लामा एउटी आमाले आफ्नी चार वर्षीया छोरीसहित आत्महत्या गरेको एउटा हृदयविदारक घटना सार्वजनिक भएको छ ।आमा र बच्चाको असाधारण मृत्युले कुचबिहारमा सनसनी मच्चाएको छ । चार वर्षीया बालिकाको हत्यापछि आमाले आत्महत्या गरेको हुनसक्ने प्रहरीको प्रारम्भिक अनुमान छ ।यो घटना कुचबिहारको गडियाघाटको ग्राम पञ्चायत नम्बर २ को इन्द्रजित कालोनीमा भएको हो। बुधबार यो घटना बाहिर आएपछि वरपरको क्षेत्रमा हलचल मच्चिएको प्रहरीले घटनास्थलबाट बालिका र ३४ वर्षीया महिलाको शव निकालेर पोष्टमार्टमका लागि पठाएको छ । यद्यपी यो घटनाको कारण भने खुल्न सकेको छैन । प्रहरीले सम्पूर्ण घटनाको अनुसन्धान सुरु गरेको छ ।
.